නූතන
සංනිවේදනයේ ඇති නිදහස හේතුවෙන් ඕනෑම අයෙකුට ඇවැසි නම් සිය අදහස් කැමැති පරිදි
භාෂාවේ ඇති සංකේතවලින් ඉදිරිපත් කළ හැකිය.
වෙබ් අඩවියක් තනා ගැනීමෙන්, බ්ලොගයක් තම නමට නිර්මාණය කර ගනිමින් තමන්ට
සන්නිවේදකයෙකු විය හැකිය. එසේත් නැති නම් ෆේස් බුක් සමාජ ජාලයේ තමන්ට පිටුවක් වෙන්
කර එයට අනෙක් සාමාජිකයන් හවුල් කර ගෙන සිය සන්නිවේදනය කළ හැකිය. එසේම මුද්‍රිත නොවන ස්කයිප් තාක්ෂණයෙන් ද අවැසි සංනිවේදනය කළ හැකිය. මෙම නූතන මාධ්‍යයට
සීමාවන් නැත. සදාචාරයන් නැත. මනුෂ්‍යත්වයේ සිට තිරිසන් තත්වය දක්වා ඇති සීමාවන්
තුල හීතූ මානාපයට ක්‍රියා කළ හැකිය.
සිංහල කොටි යනුවෙන් මාධ්‍යගත කළ සිද්ධියට වසර හතකට වඩා වැඩි
වී ඇති අතර කාලය තුල එම සිද්ධිය හේතුවෙන්, සිදු වී ඇති දේත් මිනිස් ජීවිතවලට කර
ඇති පීඩාකාරි බලපෑම අති විශාලය. එය සමාජ දේශපාලනයට වඩා පුද්ගිලික ජීවිත අර්ථයෙන්
යැයි කීම වඩාත් සාධාරණය. එහෙත් පුද්ගලිකත්වයන් සමාජ දේශපාලනයට බද්ධ වී, එය අගතියක්
අත්කර දෙන්නේ නම් එය යහපත් නැත. ඒ පිළිබඳ කතිකාවක් ඇති වේ නම් එයට මැදිහත් වීමෙන් වැලකී සිටිය
නොහැකි තත්ත්වයකට පත්ව ඇතැයි යන කාරණාව නිසා මෙම ලිපිය ලිවීමට අදහස් කරමි.
මේ සඳහා හේතු
කාරණා දෙකක් එකම අවස්ථාවක බල පෑ බව කිව යුතුය. පළමු කාරණය නම් මගේ පර්යේෂණ නිබන්ධනය
සඳහා ඇති සෙමෙස්තරයට මිචෙල් ෆුකෝගේ කෘතියක් කියැවීමට අනිවාර්යය වීමය. එහි නම Power- බලය යන්නය. එම
ලියැවිල්ල තුල ඔහු මතු කරන කාරනාවල ඇති උත්තේජනය විසින් මගේ දෙවැනි කාරණයට
පිළිතුරක් සොයා ගත හැකි දැයි සැක ඇතැත්, මෙසේ සටහන් තැබීමට පෙළඹෙමි.
දෙවැනි කාරණය
වන්නේ (පතුල වෙබ අඩවිය) ජයම්පති බුලත්සිංහල
(ඹහුට අනුව) පැරණි මිතුරා විසින් ඇටවිසමයක් පරිදි වරින් වර මතු කරන සිංහල කොටි,
දේශපාලන සිරකරුවන්, මුදල් වංචාවන්, ස්ත්‍රී සම්බන්ධතා යනාදී කාරණා පදනම්කර ගෙන මටද
එහි වගකීමක් ලබා දෙමින් කරන වරදකාරී සංනිවේදනයය.
දෙවැනි කරුණට
පළමු කරුණ සම්බන්ධ වන්නේ මෙම චෝදනාවලට පදනම්ව ඇතැයි සිතිය හැකි කතිකා විශ්ලෙෂණය,
දැනුම, බලය හා ඇත්ත (සත්‍ය) තේරුම් ගන්නේ කොහොමද යන කාරණය මතය. එයට ඇති ආලෝකයක්
ලෙස ෆෝකෝ විසින් බ්‍රසීලයේ දී කරන ලද දේශනයේ මුද්‍රත ලියවිල්ල ඉවහල් වේ යන බලා
පොරොත්තුව ඇතිව සංවාදයක් ගොඩ නැගීමට හැකි ද යන්න යන පදමනම මත පිහිටා කාලය යෙදවීමට
සිතමි.
එය එසේ කිරීමට
වැදගත් යැයි සිතන තුන්වැනි කාරණය වන්නේ, ජයම්පති විසින් සිවිල් සමාජයට, වමේ
දේශපාලනයට හා ඔහුගේ චොදනා හා යෝජනාවල ඇති බලපෑම නිසාය.
එහෙත් මගේ
යොජනාව වන්නේ ජයම්පති සඳහන් කරන සිවිල් සමාජයට හෝ වමට මේ සඳහා සැබෑ උවමනාවක් හා
අවැසිකම්ක් තිබේ නම් හෝ අගතියට පත් වී ඇතැයි සිතන අයෙකුට යම් උවමනාවක් ඇත්නම්
පමණක් සංවාද කරීම හෝ චෝදනා වල සත්‍යයය සොයා ගැනීමට හැකිද යන්නට මැදිහත් වනු මිසක,
වේදනාවන්, මනෝ ව්‍යාධීන්, තරහ පිරිමාසා ගැනීම් ආදිය පෙන්නුම් කරන ෆේස්බුක්
කඩපිල්වල හරයක් නැති සංවාදවලට පිලිතුරු දීමට සදාචාරාත්මකව බැඳීමක් නැත යන්නය.
මගේ පුද්ගලික
අදහස වන්නේ මෙම සංවාදය මනුෂ්‍ය අර්ථයෙන් කිරීමට ඇති මානයක් සොයා ගැනීම මිසක, වෛරය
පිරිමැසීමේ මෙවලම් කර නොගෙන කතා කිරීමය. එහෙත් උභතෝකෝටිකය වන්නේ කාටද වැදගත්
යන්නය.
එසේ නොමැති නම් සාක්ෂි ඉදිරිපත් කිරීමට හෝ වැරදි
නිවැරදි බව කියා පෑමට ඇති අධිකරණය කුමක්
ද?
ෆේස් බුක් එක
ද? පොලීසිය ද? උසාවිය ද?
නව සංවාදයක්
කිරීමට රහසිගත විවෘත කඳවුරක් සඳහා කැමැති නම් අවැසි නම්, මෙම සිදුවීමට අදාලව නගන
චෝදනාවන් සඳහා වන එක් විත්තිකරුවකු වන මම කරුණු ඉදිරිපත් කිරීමට කැමැත්තෙමි.
සත්‍ය, දැනුම,
බලය හා නොදන්නාකම ඇත්තේ කෙහේද යන්න සොයාගත හැකියැයි සිතමි.
බොහෝවිට බොහෝ
දෙනා කියවා ඇතැයි සිතන ෆුකෝගේ දේශන පිටපත ද බෙදා ගැනීමට කැමැති අතර, එය කියවීම හෝ
නොකිය වීම මෙම සංවාදය වන්නේ නම්, එය ඉදිරියට තීරණාත්මක නැත.
සංවාදයට
කැමැති නම් ඒ සඳහා කුටියක් තනා ගැනීමට ඇති පරිසරය හා ක්‍රමවේද කතාකර ගැනීමට මෙන්න
මගේ ඊ මේලය- udayar6868@gmail.com. එසේ නොමැති නම් ඔබගේ යෝජනාවලට ඉඩ ඇත.
එසේම පැමිණිලිකරු
කියන සිවිල් හෝ වම සුදානම් බව විවෘතව පෙන්වීමට මෙම ලිපිය පළ කරන මගේ බ්ලොගයට අදහස්
දැක්විය හැකිය. මෙය සීමා සහිත බ්ලොගයක් බැවින් වැඩි පිරිසකට කියැවීමට ශෙයා කළ
හැකිය.
එය එසේ නොවේ නම් මගේ දේ මගේ ලඟ,
ඔබේ දේ ඔබේ ලඟ
කාටවත් මොකද
වෙන අතක් බලාගමු
වෙන හරිය බලාගෙන
මීට සැකකරු
උදය ආර්.
තෙන්නකෝන්
